MANILA MARATHON SA HUNYO BEST CENTER SA KYUSI AT MLA

TATAPATAN ang anim na tinaguriang “Mar­athon Majors” sa dara­ting na Manila Marathon 2019 sa Hunyo 23, bispe­ras ng Araw ng Maynila sa Mall of Asia.

Ayon sa tagapanga­siwa ng karera na Proac­tive Sports, kung kaya ng Tokyo, London, Boston, Berlin, Chicago at New York ay kaya ring itaas ang bandila ng Pilipinas sa pagkakaroon ng kare­rang maaring ipagmalaki sa buong mundo.

Hindi na kailangang maglakbay ng malayo upang maranasan ng mga sasali ang kalidad ng mga nabanggit na Marathon.

“Kung kaya nila ay kaya rin natin at ipakita natin ang lakas ng ating lahi,” wika ni Coach Jay Em ng Proactive.

Maliban sa Marathon na may layong 42.195 km, may mga karera rin sa 21 at 10km.

Ang mga sasali sa ma­rathon ay bibigyan ng anim na oras upang matapos ang distansiya habang na­kalaan ang tatlo at ka­lahati sa 21 at dalawang oras sa 10.

Maaari nang bumili ng prepaid cards sa mga sa­ngay ng RUNNR hang­gang Hunyo 22. May dalawang uri ng kit na pu­wedeng makuha, ang Ba­sic at ang Premi­um.

Lahat ng magtatapos ay gagawaran ng me­dalya. Bibigyan din ng t-shirt ang mga magtatapos ng Marathon sa 21 kilo­metro.

Samantala, ang venues sa Q.C. at sa Manila ay mag ho-host ng Best Center basketball at vol­leyball clinics sa Abril. Ang St. Patrick School sa Bahay Toro, Project 8 sa Q.C. ay mag ho-host ng award-winning group’s basketball at volleyball clinics mula Abril 6-Mayo 1, ayon kay Nic Jorge, foun­der ng Basketball Efficiency and Scientific Training Center magiging venue rin ang Malate Ca­tholic School sa Manila para sa basketball clinics.