Habang nagdiriwang ng Kurdish New Year at Mother’s Day | BANGKA TUMAOB, 94 DEDBOL

NANINIWALA ang mga awtoridad na posibleng tumaas pa ang bilang ng mga nasawi nang tumaob ang bangka habang ipinagdiriwang ang Kurdish New Year at Mother’s Day sa Tigris River sa Mosul City, Iraq.

Batay sa impormasyon, ihahatid ng bangka ang mga biktima sa kabilang isla na may sakay na mga bata at kababaihan.

Kinumpirma ni Interior Ministry Official Major-General Saad Maan na 94 katao ang nasawi sa insidente habang 55 katao kabilang ang 19 na bata ang na-rescue.

Samantala, iniutos ni Iraqi Prime Minister Adel Abdul-Mahdi na magsagawa ng imbestigasyon sa sanhi ng pagtaob ng bangka, gayundin upang matukoy ang responsable rito.