Krimen lumala, utos ni Duterte | MGA PULIS, MAGDOBLE-KAYOD!
INATASAN ni Pangulong Rodrigo Duterte ang Philippine National Police na magdoble-kayod laban sa mga kriminal.
Ito ay kasunod na rin ng kaso ng pagpatay sa dalagita na nangyari sa Cebu kung saan binalatan pa ang mukha ng biktima.
Ayon sa Chief Executive, maaari lamang mag-relax ang pulisya kung masisiguro nila sa kanilang area of responsibility na ligtas ang kanilang pamilya na lumabas at makapaglakad sa kalye kahit dis-oras ng gabi.
“I want kayong mga chief of police you ask your wives and your daughter to walk around your area of responsibility. And if your wife or daughter comes home safe, undisturbed, unmolested, at walang nangyari, ‘yan ang gusto ko para sa lahat ng babae sa area mo,” ani Pangulong Duterte.
Dapat umanong mag-overtime ang mga pulis upang masigurong natutukan ang galaw ng mga kriminal.
“Noon panahon ni P-Noy ilan ang nag-surrender? Isa, dalawa, tatlo? Tapos buy-bust, araw-araw may droga. Ngayon, tingnan mo mamaya pag-uwi mo. Early or late news, morning and evening news, droga, droga, droga, patay, patay. Bata ni-rape, binasag ‘yung…,” ani Duterte.
“Mabuti na lang nahuli, p***** i** kayong mga… Pulis kayo mag-overtime kayo. P***** i**, ‘yung bata na sa Sarangani ba ‘yun? ‘Yung binasag ‘yung ulo. ‘Yung sa Cebu sa ano binalatan ‘yung…,” saad ng pangulo.
“You know, alam mo sa totoo lang maglakad ka kaya gikan Marikina papuntang Maynila, lulusot ka kayang buhay?” ani P-Duterte.
“Ako I challenge you. Maglakad ka galing Caloocan o pupunta ka dito o pumasok ka ng Malabon, Navotas, buhay ka pa? Mabubuhay ka pa kaya? ‘Yan ang Pilipinas na gusto ninyo. Kaya sinasabi ko sa mga kriminal, p***** i** ninyo umalis kayo sa daan, sa mga park, sa mga public places, kasi it belongs to the people and they have the right to use it any time na hindi sila mamolestiya, disturbed, robbed,” hamon ni Duterte.
“Ngayon, kung merong mag-istorbo sa kanila at hindi na nila magamit ‘yung daan at magtindig lang sila maghintay ng sakyan, momolestiyahin, all you have to do is to kill the idiot. Period. Iwanan mo diyan. Magsumbong sa Human Rights, sabihin mo utos ko. May idemanda ang Human Rights, go ahead idemanda ninyo si Duterte,” dagdag pa ng pangulo.
Samantala, muling iginiit ng pangulo na matanda na siya at pagod na sa edad na 74.
“Ako matanda na. Ngayong buwan na ito mag 74 na ako. P***** i** mo kasing pagod na ako sa inyo. Naghahanap lang ako ng lusot. Ke magbarilan tayo o kaya — p***** i** ‘wag ninyo akong… Naghahanap lang ako talaga ng lusot na para makapagpahinga na. Pagod na rin ako kaya do not f*** with me,” dagdag pa ng pangulo.
Comments