VIRTUAL REALITY, TATAPATAN ANG UST KONTRA ENDERUN SA D-LEAGUE

MAKATABLA ang University of Santo To­mas sa pamumuno ng As­pirants Group ang aasamin ng St. Clare College-Virtual Rea­lity sa pagsa­gupa nito kontra Family Mart - Enderun Col­leges ngayong hapon sa 2019 PBA D-League sa Ynares Sports Arena sa Pasig.

Magtutunggali ang Saints at ang Titans sa 2nd game ng triple bill ng 2 p.m. kasunod ng unang laro ng alas-12:00 ng tanghali sa pagitan ng SMDC-NU at ng Diliman College-Gerry’s Grill bago ang huling salpu­kan tampok ang Metropac-San Beda at Chadao-Far Eas­tern University ng 4:00 ng hapon.

Taglay ang barahang 3-0, panalo-talo, isang panalo na nahuhuli sa nangu­ngu­nang UST (4-0), pina­pabo­ran ang tropa ni coach Jinino Manansala kontra sa Family Mart-Enderun na wala pang naipapanalo matapos ang dalawang laro.

Ngunit umaasa si Ma­nansala na hindi mag ku-kumpiyansa ng labis ang kanyang mga manlalaro kontra Titans.

Ang tumaas buhat sa kinalalagyang 5th place ng Foundation Group ang ta­tangkain ng Diliman Col­lege-Gerry’s Grill (1-2) sa pagharap sa winless na SMDC-NU (0-3). Sisika­pin nilang makabalik ng winning track makaraan ang 65-71 nilang pagka­talo sa kamay ng Univer­sity of Perpetual.

Determinado ang Metro­pac-San Beda na umangat sa ika­lawang posisyon ng Foun­dation Group katabla ng Valencia City-San Se­bastian na angat sa kanila ng isang panalo sa hawak na bara­hang 3-1, panalo-talo.

Magtatangka ang ka­tunggali nilang Chadao-FEU na kumalas sa Mari­nerong Pilipino sa 4th place sa kanilang grupo taglay ang patas na barahang 2-2, panalo-talo. (VA)