Bumabang resulta ng NAT ng mga mag-aaral, bigyang-pansin!

KUYA WIN GATCHALIAN / WIN TAYONG LAHAT

PAGTUNTONG ng Abril, muli na namang magiging abala ang mga guro sa pagsasa­gawa at pagtatapos ng kanilang teaching require­ments.

Sa pagsisimula ng kanilang klase noong Hunyo 4 nang nakaraang taon hanggang sa kasalukuyan ay nakabuo ang mga mag-aaral ng 200 araw sa paggugol sa pag-aaral sa klasrum, mahalagang makita ang mga naging epekto sa kaalaman at kasanayan ng mga es­tudyante upang malaman kung may kaila­ngang aksiyunan para sa susunod na taon.

Anumang programa na isinasagawa ng gobyerno tungkol sa edukasyon ay dapat dumaan sa mga pagsusuri matapos itong maipatupad tulad na lamang ng resulta ng National Achievement Test (NAT), kalidad ng pagtuturo at estado ng K-12 kurikulum.

Kamakailan ay nagsagawa tayo ng pag­dinig sa Senado tungkol sa katayuan ng sis­tema ng edukasyon sa bansa upang masuri kung ma­bisa pa rin ang mga kasalukuyang batas at po­lisiya sa sektor ng edukasyon.

Ang resulta ng NAT ay mabisang instru­mento na makapagsasabi kung naging epek­tibo nga ba ang kurikulum ng K-12 program maging ang pagtuturo ng mga guro at iba pang aspeto sa basic education.

Base sa estatistikang inilabas ng Depart­ment of Education (DepEd), mababa ang mga score ng mga mag-aaral sa NAT kung saan ang Grades 6 at 10 student ay nakakuha ng mababa sa 50 (100 ang pinakamataas) noong School Year 2016-2017.

Ipinaliwanag ng DepEd na ayon sa gra­ding scale, ang mga estudyante ay nagpapakita ng mababang proficiency sa kanilang pagka­unawa sa mahahalagang aralin tulad ng Science, English at Math.

Ayon naman sa Global Competitiveness Index (GCI) ng World Economic Forum, ang Pilipinas ay pang-66 sa Global Competive­ness Report Ranking sa kabuuang 137 bansa noong School Year 2017-2018 o 52% sa per­cen­tile rank sa kategoryang Quality of Primary Education.

Nangangahulugan ito na ang bansa ay nasa Top 48% sa ibang mga bansa pagdating sa ka­lidad ng primary education.

Mas mababa ito kumpara sa 75 ranggo sa kabuuang 138 bansa noong School Year 2016-2017.

Alam nating kapag mas mataas ang per­centile score ay indikasyon ito na mas mabuti ang kata­yuan ng bansa.

Sa kabila ng ulat na ito, patuloy nating pag-aaralan ang pamamaraan at prosesong pinag­daanan ng mga estudyante gaya ng mga pro­grama at proyekto tulad ng Education Policy and Development Program, Basic Input Pro­gram, Inclusive Program at Support to Schools and Learning Program.

Titingnan ang kontribusyon ng budget sa mga paaralan, learning center, human re­source at school resource upang magkaroon ng com­petitive advantage ang sistema ng edukasyon.

Inaasahan nating ang mas tutok na aten­siyon at paghahanap ng solusyon ng DepEd at iba pang educational agencies at organi­za­tions sa kanilang pakikipagtulungan sa mga mambabatas upang mapataas ang puntos sa NAT.

Higit sa lahat, upang makagawa ng meka­nismo at polisiya para sa pagpapalakas ng sistema ng basic education sa buong bansa.

Abangan ang karagdagang updates sa mga susunod pa nating pagdinig.

Umasa tayong lahat naman ng sektor, pri­bado o pampubliko man ay nagnanais na ma­isa­ayos ang de-kalidad na sistema ng edu­kasyon dahil ito ang sagot sa maginhawang pamumu­hay ng bawat pamilyang Pilipino kasama ang patuloy na pag-unlad ng ating bansa.

May katanungan ka ba, reklamo o naisihingi ng tulong? Sumulat sa WIN TAYONG LAHAT ni Kuya Win Gatchalian, BULGAR Bldg., 538 QuezonAve., Quezon City o mag-email sa surewin.bulgar@gmail.com