1,000 bahay natupok

AABOT sa 1,000 bahay ang natupok nang sumiklab ang sunog sa isang residential area sa Quezon City, kahapon ng hapon.

Batay sa paunang impormasyon sa Quezon City Fire Bureau, nagsimula ang sunog pasado ala-1:30 ng hapon kung saan nasa mahigit isanlibong informal settlers ang nawalan ng bahay sa Block 5, Bgy. Damayang Lagi sa E. Rodriguez sa nasabing lungsod.

Umabot ng General Alarm ang sunog para masigurong mapakikilos ang lahat ng firetrucks sa Metro Manila.

Sinasabing mabilis na kumalat ang apoy dahil gawa sa light materials ang mga naapektuhang bahay.

Inaalam na ang pinagmulan ng apoy at ang kabuuang halaga ng naging pinsala.