May bagsak, takot ‘di maka-graduate | GRADE 10 NAGBIGTI SA FLAGPOLE, PATAY

WALA ng buhay nang matagpuan ang isang es­tudyante habang nasa flag­pole ng paaralan sa Bgy. Tumpagon sa Caga­yan de Oro City.

Kinilala ang mag-aaral na si Carleo Kenny Joy Mang­consay, 22, Grade 10 ng Tumpagon National High School.

Sa panayam kay PO3 Francis Marianas, nagpahi­watig na si Mangconsay sa plano nitong pagpapaka­matay kung saan tinanong umano nito ang mga kaklase kung ano ang magiging re­aksiyon ng kanilang guro kapag siya ay nagpatiwakal sa flagpole.

Sinasabing bago ang in­sidente, nalaman umano ng biktima na may bagsak si­yang grado at natakot na hin­di makapagtapos.

Gayunman, nagpapa­tuloy ang imbestigasyon para alamin ang tunay na motibo ng biktima sa pagpa­pakamatay.

Batay sa pagsusuri ng pulisya, wala namang foul play na nakita sa insidente.