Pulis niratrat ng 3, utas

PINAGBABARIL hanggang sa mapatay ng hindi pa tukoy na mga salarin ang isang pulis sa Bgy. Marifosque, Pilar, Sorsogon kahapon ng umaga.

Dead-on-the-spot ang biktimang si SPO3 Juje Razo, 52, nakatalaga sa Pilar Municipal Police Station.

Ayon kay Chief Inspector Malou Calubaquib, alas-7:30 ng umaga nang pagbabarilin ng tatlong lalaki si Razo habang nakasakay ito sa motorsiklo at binabagtas ang nabanggit na lugar.

Tadtad ng bala sa iba’t ibang bahagi ng katawan ang biktima na naging resulta ng kanyang pagkamatay.

Pinaniniwalaan namang long firearms ang ginamit sa pagpatay sa biktima na pinagplanuhang mabuti. Patuloy ang imbestigasyon ng mga awtoridad sa krimen.