MPBL Q’FINALS: GIYERA NG ZAMBOANGA, AT BALISONG NG BATANGAS, IINIT BA?

APAT pang teams mula sa southern division ang magsisimula ng kanilang sariling quarterfinals series sa MPBL bilang No. 2 seed ang host Batangas City ay kontra No. 7 Imus habang ang third-ranked Muntinlupa ay haharap sa sixth seed Zamboanga mamayang gabi sa Batangas City Coliseum.

Lalaban ang Athletics kontra GLC Truck and Equipment sa main game ng 9 p.m. matapos ang laro sa pagitan ng Cagers at Zamboanga ng 7 p.m.

Umabanse na sa final 4 ng south division ang top seed Davao Occidental at No.5 Bacoor matapos walisin ang mga karibal. Dalawa pang team ang umaasa sa playoffs at ang Athletics na last season champion ay nananatiling dumedepensa ng titulo.

Nakuha mula sa Athletics nang magsimula ang season, agad nagpasiklab si Jeff Viernes sa Batangas City nang maging top gun at floor leader.

Mananatiling matatag kahit na sumakabilang-PBA na ang ibang ka-teammates at umaasa sa mga kasamang sina Val Acuña, Lester Alvarez, Jhaymo Eguilos, Denice Villamor, at Adie Santos.

Babanat ang Batangas City sa Imus team na dating team ni Ian Melencio at ngayon ay defensive-minded squad ni Noy Falcasantos.

Aabangan din ang laban ng Muntinlupa at Zamboanga dahil nag-aagawan ang 2 teams sa serbisyo ni forward Harold Arboleda, na ini-release ng nakaraan niyang team, Parañaque noon, pero ngayon ay nasa Zamboanga na. (MC)