5K FUN RUN FOR PEACEFUL ELECTION SA MALOLOS CITY

INAASAHANG daan-daang kapulisan at atletang Bulakenyo ang lalahok sa limang kilometrong Fun Run for a Peaceful Election 2019 na magsisimula at mag­t­a­tapos sa Malolos Sports Con­vention Center (MSCC) sa Malolos City, Bulacan sa Marso 30,2019.

Inorganisa ng Malolos City Police Station, tataha­kin ng mga lalahok sa takbu­han ang kahabaan ng Mac-Arthur Highway na magsisi­mula sa MSCC na siyang sen­trong venue ng mga sports events sa makasaysayang siyudad ng Malolos at layu­nin nitong magkaroon ng malinis at mapayapang elek­si­yon sa darating na May elections.

Ang takbuhan ay may­roong P300 registration fee kasama na ang singlets, BIB number at snack at mayroon itong dalawang kategorya ng magwawagi sa takbuhan na inilaan para sa sibilyang mananakbo at uniporma­dong pulis na tatanggap ng cash prize para sa unang tatlong babae at lalaking tatawid ng meta.

Eksaktong ala-6:00 ng umaga ay pakakawalan ang mga runners at inaasahan ding lalahok sa fun run ang mga sundalo, estudyante at mga weekend warriors para suportahan ang takbuhang ito na ang pondong malili­kom ay ilalaan para sa mga programa ng kapulisan ng Malolos City.

Sa mga inte­re­s­adong runner, maaaring makipag-ugnayan sa Admin office ng Malolos City Po­lice Station para sa karagda­gang impormasyon.