Kung mayroong batas na nagsasaad na kailangang ihiwalay ng lugar ang organic produce na mga produkt

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Magandang araw! Nagtatrabaho ako bilang stockman sa grocery store. Sinabi­han ako ng manager ko na dapat daw ay sa hiwalay na lugar ko ipuwesto ang mga organic produce upang hindi maihalo sa ibang produkto. May batas bang nagsasaad nito? — Jenny

Dear Jenny,

Para sa inyong ka­ala­man, ang batas na sumasaklaw sa sitwas­yon na inyong inilahad ay ang Section 18 ng Republic Act No. 10068 na mas kilala bilang “Organic Agriculture Act of 2010” kung saan nakasaad ang sumusunod:

“Section 18 Retailing of Organic Produce. - Retail establishments or stores of organic produce shall designate a separate area to display the organic produce to avoid mixing it with non-organic produce.” (Binigyang-diin)

Ibig sabihin, narara­pat na magtalaga ng hiwalay na lugar ang mga retail establishment o tindahan ng mga organic produce upang maipuwesto ang mga organic produce na ibebenta nito para maiwasang maisama o maihalo ang mga ito sa ibang mga ibinebentang non-organic produce.

Sa inyong sitwas­yon, nararapat lang na ihiwalay ang mga organic produce at ilagay ito sa hiwalay na lugar upang hindi ito maisama or maihalo sa ibang mga ibinebentang non-organic produce.

Nawa ay nasagot na­min ang inyong kata­nungan. Nais naming ipaalala sa inyo na ang opinyong ito ay naka­base sa inyong mga naisalaysay sa inyong liham at sa pagka­kaintindi namin dito. Maaaring maiba ang opinyon kung mayro­ong karagdagang im­pormasyong ibibigay. Mas mainam kung personal kayong sasang­guni sa abogado.

Maraming salamat sa patuloy ninyong pagti­tiwala.