BAGUIO CITY, BABANTAYAN SA PHL NAT’L YOUTH GAMES

MATINDING hamon ang haharapin ng kasalu­kuyang national titlist at defending leg champion na Baguio City mula sa karibal na local government units sa pagsasagawa ngayon ng Luzon Leg ng 2019 Philip­pine National Youth Games-Batang Pinoy na nagbukas sa City of Ilagan Sports Complex.

Huling itinala ng mada­las magkampeon na Baguio City ang pagsungkit ng ko­rona noong 2017 Luzon Leg na ginanap sa Vigan City, Ilocos Sur matapos ni­tong talunin ang puma­nga­lawa na Laguna Province, ikatlo ang Pangasinan, ika­apat na San Jose City at ang pumanglima na Dasma­riñas City.

Umaabot sa 500 atleta ang ipinadala ng tinaguriang Summer Capital of the Phi­lip­pines sa pagnanais na ma­sungkit ang titulo sa ikatlo at huling qualifying leg ng isa sa pangunahing grass­roots sports development program ng bansa matapos ang unang ginanap na Min­danao at Visayas leg.

Ang magwawagi sa tor­neo na inoorganisa ng Phi­lippine Sports Commission na patuloy ang paghahanap sa susunod na henerasyon ng mga bagong talento sa Norte ay magkukuwalipika sa National Championships na gaganapin sa nag-aaga­wan na Tagbilaran City sa Bohol o sa Ormoc City sa Leyte.

Pamumunuan ni Philip­pine Sports Commission (PSC) commissioner Ra­mon Fernandez ang aktibi­dad. Inihayag ni Fernandez na hindi sila titigil sa pag­hahanap ng mga talento ka­hit na pinakaliblib ng lugar sa bansa para bigyan ang lahat ng mga kabataan ng pagkakataon na ma­de­belop ang sarili at mapa­bilang sa atleta ng bansa na kayang magbigay ng gin­tong me­dalya sa internasyonal na torneo tulad sa Southeast Asian Games, Asian Games at pati na sa Olympics.

“We saw some athletes with potentials in the Min­danao and Visayas legs and we hope to discover more here in Luzon,” sabi pa ni Fernandez. (MC/VA)