SINGAPORE OPEN ATHLETICS, TRAINING NG NOYPI PARA SA SEAG

BILANG paghahanda sa Southeast Asian Games, lalahok ang mga Pinoy sa Singapore Open Athletics Championship na aarangkada sa Marso 28 kung saan makikipagsabayan sila sa may 20 bansang kalahok.

“The event will determine their competitiveness in the SEA Games since they are facing athletes in Asia and other invited competitors outside Southeast Asia,” sabi ni Italian strength conditioning Carlo Buzzichelli sa eksklusibong panayam sa kanya sa PATAFA office.

Pamumunuan ni Brazil Olympian at Asian athletics champion Eric Shawn Cray ang kampanya ng ‘Pinas na lalahok sa middle distance na kanyang dinomina sa Asian Athletics Championship sa Bubanishar, India matapos sumali sa Asian Games sa Korea.

Sa Singapore nanalo si Cray sa 100m at 200m at itinanghal na “King of Sprint” noong 2015 Southeast Asian Games. Kasama ni Cray ay sina Immuel Camino, Jomar Udtohan, Clinton Kingsley Bautista, Janry Ubas, Edgardo Alejan, Archand Bagsit, Marco Vilog, at Francis Medina.

Sinabi ni Cray na gagamitin niya ang kanyang nalalaman at malawak na karanasan upang muling bigyang karangalan ang ‘Pinas. “I am dead serious and determine to win my events no matter how tough my rivals are. I have a mission in Singapore to win honors for the Philippines,” sabi ni Cray na nakabase sa El Paso, Texas, USA.

Sinabi ni PATAFA president Philip E. Juico na maliban sa Singapore Open, lalahok din ang mga atleta sa iba pang torneo para mahasa nang husto at lumakas ang tsansang manalo sa SEAG. Ang athletics ang pinakatampok na laro sa 56 sports na may 42 events sa men and women.