SEAG BASKETBALL AT VOLLEYBALL SA FILOIL AT SA PHILSPORTS NA

ILILIPAT ang basket­ball sa 2019 Southeast Asian Games sa FilOil Flying V Centre sa San Juan mula sa Mall of Asia Arena.

Ito ang pinahayag ni Philippine SEA Games Or­ganizing Committee (PHIS­GOC) executive director Ra­mon ‘Tats’ Su­zara sa pa­na­yam ng Radyo Pilipinas 2 kahapon. Ayon kay Suzara, nahi­ra­pan ang pag-book sa venue para sa SEA Games na gaganapin mula Nob­yembre 30 hanggang Dis­yembre 15.

Orihinal na ga­ganapin ang SEA Games men’s at women’s basket­ball sa Mall of Asia Arena sa Pasay City.

“In any multi­sports events, ganoon ang proseso espe­cially ‘yung venues na pri­vate owned. The challenge here is in Metro Manila da­hil alam mo naman na nan­dito ang big venues, ma­hirap kuha­nin dahil sa mga bookings. Nagkaroon ng back-up plan and we were able to fund a solu­tion. Now, basketball will be in FilOil,” saad ni Suzara.

Nauna nang nalipat ang venue ng volleyball sa Phil­sports Arena sa Pasig City o dating ULTRA mula sa Smart-Araneta Colise­um sa Quezon City.

Ililipat din ang venue ng gym­nastics sa Rizal Me­morial Coliseum mula sa SMX Convention Center.

Ayon kay Suzara, nag­hahanap pa rin ng venue para sa E-sports matapos hindi ma­tuloy ang planong gawin ang naturang event sa Mar­riot Hotel. Ang bil­liards ay hina­hanapan pa ng ve­nue, dag­dag ni Su­zara.