KATROPA, SA 3RD SPOT NA HOTSHOTS GANADO VS. GINS

Photo : Fb Brave 22 Storm of Warriors

NILAGOK ng TNT KaTropa ang four-game winning streak matapos kalusin ang Alaska Aces, 92-78 kagabi sa 2019 PBA Philippine Cup sa Cuneta Astrodome sa Pasay City.

Kumana si Carl Bryan Cruz ng 19 points at limang rebounds upang tulungan ang TNT na ilista ang 6-3 karta at sumalo sa third spot ng team standings kasama ang San Miguel Beer.

Maagang nagparamdam ng lakas ang KaTropa, hinawakan nila ang nine-point lead, 47-38 sa unang dalawang periods.

Hindi nagpabaya ang TNT sa third quarter upang manatili sa kanila ang bentahe, 74-62 papasok ng fourth period. Sa kaagahan ng payoff period, umararo ang KaTropa ng 11-3 run para umalagwa ang kanilang lamang sa 20, 85-65.

Samantala, pakay ng San Miguel Beer na pahabain ang kanilang winning streak sa lima pagharap nila sa Phoenix Fuel Masters na gaga­napin sa Panabo City Multi-Purpose Tourism Cultural and Sports Center sa Davao.

Tangan ang 6-3 karta, babanggain ng Beermen ang tigasing Fuel Masters sa 5 p.m. Kakapitan ng San Mi­guel Beer si five-time Most Valuable Player, (MVP) June Mar Fajardo upang ma­ku­ha ang pang-7 panalo at lumakas ang tsansa sa top two.

Target ng teams ang makapasok sa Nos. 1 at 2 spot pagkatapos ng 11-game elimination round dahil sa twice-to-beat incentive.

Bukod kay Fajardo, huhugot ng lakas si coach Leo Austria kina Arwind Santos, Alex Cabagnot at Marcio Lassiter. (MC/ATD)