Kaukulang multa sa driver ng pampublikong sasakyan na hindi magbibigay ng discount sa mga kuwalipika

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Magandang araw! Nais kong malaman kung mayroon bang kaukulang parusa kapag hindi nagbigay ng dis­kuwento ang pampasa­herong bus sa pamasahe ng senior citizen? — Fred

Dear Fred,

Para sa inyong kaala­man, ang inyong katanungan ay tinatalakay sa Part I, (j) (42) ng Department of Transportation and Communications- Joint Administrative Order No. 2014-01 o mas kilala bilang “Revised Schedule of Fines and Penalties for Violations of Laws, Rules and Regulations Governing Land Transportation” kung saan nakasaad na;

I. VIOLATIONS IN CONNECTION WITH LICENSING FINE

“j. All Other Violations of Traffic Rules And Regulations- This includes the following traffic violations

x x x

Fine: PHP 1,000.00

42. Failure to provide fare discount to those entitled under existing laws and pertinent Memorandum Circulars of the LTFRB.” [Binigyang-diin.]

Sang-ayon sa nabanggit na panuntunan, pinapatawan ng kaukulang multa na nagkakahalagang isang libong piso (P1, 000) ang mga driver ng pampubli­kong sasakyan, kabilang na ang mga pampublikong bus na hindi magbibigay ng kaukulang diskuwento sa mga kuwalipikadong indibidwal. Kasama na rito ang mga senior citizen, sang-ayon sa Section 4 (h) ng Republic Act No. 7432 na inamyendahan ng Republic Act No. 9257 o mas kilala bilang “Expanded Senior Citizens Act of 2003” kung saan nakasaad na:

“Section 4. Privileges for the Senior Citizens – The senior citizens shall be entitled to the following:

(h) the grant of twenty percent (20%) discount in public railways, skyways and bus fare for the exclusive use and enjoyment of senior citizens;”

Nawa ay nasagot namin ang inyong kata­nungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagka­kaintindi namin dito. Maaaring maiba ang opinyon kung mayroong karagda­gang impormas­yong ibibigay. Mas mainam kung personal kayong sasangguni sa abogado.

Maraming salamat sa inyong patuloy na pagtitiwala.