Kung maaaring makasuhan ang ex-BF sa pagpapadala ng mga pekeng larawan para mapahiya at hindi matulo

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Graphic artist ang dati kong kasintahan. Hindi naging maganda ang relasyon naming dalawa sapagkat nahuli ko siyang nam­bababae, ito ang naging dahilan ng pag­hihiwalay namin. Nang malaman niyang mayroon na akong bagong kasintahan nagsimula siyang magpadala ng mga larawang may hubad na babae at kung saan inilalagay niya ang aking mukha kapalit ng tunay na modelo o tao rito. Batid niyang ikakasal na ako, kaya binigyan niya ako ng pagbabanta na gagawin niyang makato­tohanan ang mga larawan gamit ang aking mukha upang ako ay lubusang mapahiya sa mapapangasawa ko at sa ibang tao. Natatakot ako sa kanyang ginagawa. Ano ang maaari kong gawin hinggil dito? —Parisian

Dear Parisian,

Para sa inyong kaalaman, kahalintulad ng inyong sitwasyon ang naganap sa kasong Rustan Ang vs. Court of Appeals and Irish Sagud (G.R. No. 182835, April 20, 2013, Ponente: Honorable former Associate Justice Roberto A. Abad) kung saan ayon sa ating Kagalang-galang na Korte Suprema, ang dating kasintahan na gumagamit ng parehong pananakot na ginawa sa inyo ay dapat mapanagot sa paglabag sa batas na Republic Act No. 9262 o mas kilala bilang “Anti-Violence Against Women and Their Children Act of 2004”.

Binigyang-diin sa nasabing kaso ang Section 5 (h) (5) ng naturang batas kung saan sinabi na:

“Section 5 identifies the act or acts that constitute violence against women and these include any form of harassment that causes substantial emotional or psychological distress to a woman. Thus:

SEC. 5. Acts of Violence Against Women and Their Children. The crime of violence against women and their children is committed through any of the following acts:

x x x x x x x x x

h. Engaging in purposeful, knowing, or reckless conduct, personally or through another that alarms or causes substantial emotional or psychological distress to the woman or her child. This shall include, but not be limited to, the following acts:

x x x x x x x x x

5. Engaging in any form of harassment or violence;

x x x

x x x

x x x

The above provisions, taken together, indicate that the elements of the crime of violence against women through harassment are:

1. The offender has or had a sexual or dating relationship with the offended woman;

2. The offender, by himself or through another, commits an act or series of acts of harassment against the woman; and

3. The harassment alarms or causes substantial emotional or psychological distress to her.” [Binigyang-diin]

Dagdag pa ng Kataas-taasang Hukuman sa nabanggit na kaso ng Rustan Ang vs. Court of Appeals and Irish Sagud (Ibid.):

“[…] the Court cannot measure the trauma that Irish experienced based on Rustans low regard for the alleged moral sensibilities of today’s youth. What is obscene and injurious to an offended woman can of course only be determined based on the circumstances of each case. Here, the naked woman on the picture, her legs spread open and bearing Irish’s head and face, was clearly an obscene picture and, to Irish a revolting and offensive one. Surely, any woman like Irish, who is not in the pornography trade, would be scandalized and pained if she sees herself in such a picture. What makes it further terrifying is that, as Irish testified, Rustan sent the picture with a threat to post it in the internet for all to see. That must have given her a nightmare.” [Binigyang-diin.]

Samakatwid, maaari ninyong mapanagot ang inyong dating kasintahan tungkol sa kanyang ginawa sa pamamagitan ng pagsasampa ng reklamo at kaso sa ilalim ng nabanggit na batas.

Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.

Maraming salamat sa inyong patuloy na pagtitiwala.