Hamon ng Simbahan sa gobyerno: DEATH THREAT SA MGA PARI AT OBISPO, IMBESTIGAHAN

HINAMON ng isang opisyal ng Simbahang-Ka­tolika ang pamahalaan na patunayan na wala silang ki­nalaman sa banta sa buhay ng mga pari at Obispo.

Giit ni Fr. Jerome Secil­lano, executive secretary ng Permanent Committee on Public Affairs ng Catholic Bishops’ Conference of the Philippines (CBCP) sa gob­yerno na paimbestigahan kung sino ang may kagaga­wan ng mga naturang death threat.

Hindi umano malayo ang posibilidad na may kina­laman ito sa mga pahayag ni Pangulong Rodrigo Duterte laban sa mga paring Kato­liko.

Binigyang-diin ni Secil­lano na ang mga pari ay mga mamamayan din ng Pilipi­nas na dapat bigyang-pro­tek­siyon ng gobyerno.

Nauna rito, isang Obispo at tatlong pari na ang lumu­tang at nagsabing nakata­tanggap sila ng mga pagba­banta sa kanilang mga buhay.

Ang mga banta ay nag­simula anila sa walang tigil na pag-atake ni Pangulong Duterte sa Simbahan at mga pari nito dahil sa kanilang pagtutol sa madugong kam­panya nito laban sa iligal na droga.

Kaugnay nito, wala uma­nong nakikitang dahilan ang Malacañang upang mag­pakita ng ebidensiya na hin­di galing sa gobyerno ang mga death threat laban sa pari at mga Obispo.

Ani Presidential Spokes­man Salvador Panelo, batay sa isinasaad ng batas ang burden of proof o ang obli­gasyon sa paglalabas ng ebi­densiya ay nasa nag-aakusa.

Ayon kay Panelo, dahil galing umano sa mga pari at Obispo ang akusasyong may kinalaman si Pangulong Du­terte o gobyerno sa mga banta sa kanilang buhay, da­pat sila rin aniya ang mag­patunay nito.