4 bebot huli sa aktong nagsa-shabu

ARESTADO ng mga tauhan ng Manila Police District Station 8, ang apat na babae na naaktuhang nagpa-pot session kahapon ng madaling-araw sa Rawatun St., malapit sa Carlos Palanca St., San Miguel, Manila.

Nasa kustodiya ng MPD-PS 8, ang mga suspek na sina Norhaya Haji-ali, 40; Diana Pinansilo, 38; Analyn Cofuentes, 36, at Angelita Gomez, 32.

Nagsasagawa umano ng anti-criminality campaign ang mga tauhan ng MPD-PS 8 sa pangunguna ni P/Insp. Rodelio Lingcong, alas-2:15 ng madaling-araw nang mamataan ang mga suspek.

Nang sitahin, nakuha sa kanila ang apat na sachets ng shabu na ang isa ay bukas na, dalawang piraso ng aluminum foil strips na may naiwan pang residue ng shabu, glass tube at dalawang lighters.

Nabatid na isang concerned citizen ang nagbigay ng impormasyon sa pulisya kaugnay sa iligal na aktibidad ng mga suspek.