Tumakas sa checkpoint | 2 RIDING-IN-TANDEM TODAS SA PULIS

WALA ng buhay na bumulagta sa kalsada ang apat na lalaking lulan ng dalawang mo­torsiklo makaraang maki­pag­barilan sa pulisya sa Sta. Rita, Pampanga.

Ayon kay Police Col. Rhoderick Arma­men­to, directoral staff ni Police Brig. Joel Coronel, naglatag ng checkpoint kahapon ng madaling-araw ang Sta. Rita Police sa Bgy. Gasak nang balewalain ito ng apat na lalaki na sakay ng dalawang motorsiklo.

Humarurot umano ang mga suspek dahilan para habulin ng mga pulis.

Habang hinahabol, bumunot ng baril ang isa sa mga nakamotorsiklo at pinaputukan ang mga pulis na nauwi sa running gunbattle.

Ani Armamento, wala pang pagkakaki­lanlan ang mga napas­lang na suspek na hini­hinalang nakatakdang mangholdap malapit sa lugar. Narekober sa lugar ng engkuwentro ang 3 kalibre .45 at kalibre .38 na baril.