PARAÑAQUE AT TAGUIG, NAGPAKITANG-TIKAS SA NBL

BUMIDA si Noy Ber­mudes sa panalo ng Para­ñaque Aces kontra Laguna Pistons, 95-84, noong Sa­bado sa pagsisimula ng Na­tional Basketball League (NBL) Season 2 sa Sta. Rosa Multi-Purpose Complex.

Umiskor ng 14 points si Aces para manguna sa pa­nalo ng Aces, ang nagkam­peon noong nakaraang sea­son sa bagong liga.

Gumawa rin ng 11 points si JR Galit para sa Aces. Nagtala naman ng 26 points ang bagong manlalaro ng Laguna na si Matthew Ama­yao ngunit hindi ito naging sapat para dalhin ang Pistons sa panalo.

Sa iba pang laro, nag-ambag ng 16 points si Nico Paolo Alcantara upang tu­lungan ang Taguig Generals na manaig kontra sa Das­mariñas Ballers.

Kapwa naman umiskor ng tig-13 points si Mike Sampurna at Nino Romano para sa Generals.

Nanguna si Jerome Garcia para sa Pasig Rios matapos guma­wa ng 22 points at 8 re­bounds sa kanilang panalo laban sa Zamboanga Va­lientes, 82-75.

Nag-impok naman si John Cruz ng 18 points at 18 rebounds sa panalo ng Bulacan Starks kontra sa Quezon City Rising Stars, 87-82.