Sa gobyernong Duterte, ang sinisibak, inililipat lang at big boss pa!

PABLO L. HERNANDEZ III / PRANGKAHAN

ANG SINIBAK SA DOT, GINAWANG BIG BOSS NG IBC-13—Napaiyak noon si newly appointed Department of Tourism (DOT) Sec. Bernadette Romulo-Puyat sa kanyang natuklasang overspending at pag-a-around the world ng dinatnan niyang DOT officials at dahil d’yan ay pinag-courtesy resignation niya ang lahat ng mga usec. at asec. ng DOT at kabilang sa pinagre-resign ay si Usec. Kat de Castro, kaya lang ayaw umano nitong mag-resign.

Dahil kapit-tuko sa puwesto, nagpasya si P-Duterte na alisin sa DOT si De Castro at itinalaga ito bilang board director ng IBC-13 noong Agosto 2018 hanggang sa gawing president at CEO (chief executive officer) ng gov’t. TV station na ito.

Ganyan kung bu­wisitin ni P-Duterte ang taumbayan kasi ‘yung sinibak ni Sec. Puyat sa DOT, ginawa niyang big boss ng IBC-13, bu­wisit!

◘◘◘

IMBES NA SU­POR­TAHAN ANG DEBATE, IBINASU­RA ITO NG COME­LEC — Ibinasura ng Comelec ang hirit na debate ng “Otso Diretso” at militan­teng “Labor Win” para sa lahat ng kandidato sa pagka-senador.

Pambihira, imbes na magpa-debate ang Co­melec sa mga kandidato para malaman ng publi­ko ang plataporma at solusyong gagawin ng mga senatoriable sa mga problema ng bayan at mamamayan, eh, ibina­sura lang ang debate.

Dahil d’yan, luma­labas na ang gusto ng Comelec na gawing batayan ng mga botante sa pagboto ay ang may ma­raming ads sa TV, radio, newspaper, tarpaulin, kuma­kan­ta, sumasayaw at kaapel­yido ng mga trapo (traditional politician), pwe!

◘◘◘

HAPPY ANG MGA ‘MANOK’ NINA P-DU­TERTE AT MAYOR SARA KASI HINDI NA SILA MA­TATANONG TUNG­KOL SA TRAIN LAW —Panigurado, sobrang happy ang mga kandi­dato nina P-Duterte at Mayor Sara Duterte-Carpio sa pagbasura ng Comelec sa debate.

Hindi na kasi sila matatanong kung bakit suportado nila ang TRAIN Law ni P-Du­terte na nagpataas sa presyo ng mga bilihin at nagpapahirap ngayon sa mamamayan, bu­wisit!

◘◘◘

MAGAWA KAYA NI P/COL. YANG NA IPA-’TOKHANG’ ANG ILIGALISTANG SI ‘CHRISTIAN?’—Bago na ang hepe ng Pasay City Police at siya ay si P/Col. Bernard Yang.

Tingnan nga natin kung kayang ipa-”tokhang” ni Col. Yang si “Christian” na may kontrol ng lotteng at bookies sa lungsod na ito, abangan!