CHAVENIA, NILEKSIYUNAN SA OT ANG MARIKINA SA CBA

UMASA ang Pasig kay Algie Chavenia upang mana­ig sa nagsisimula pa lamang na Marikina, 83-82 sa overtime game ng Community Basketball Association (CBA) Founders’ Cup basketball tournament sa Pasig Spirits Complex noong Saba­do.

Umiskor si Chavenia ng 6 sa kanyang nabuong game-high 25 points sa overtime upang palakasin ang Pasi­gueño sa ikalawang panalo sa apat na laban sa 14-team community-based tournament na inorganisa ni actor-director Carlo Maceda.

Si Chavenia, na naglaro rin sa Diliman College sa MBL at sa Fr. Martins Cup ay umiskor ng 4 points sa 7-0 blast ng Pasigueño para sa 77-71 lead sa pagsisimula ng extra period. Nakagawa si Eloie Tan ng three-point shot para sa Marikina sa nalala­bing 5.8 segundo upang isa­pi­nalisa ang score. Dumag­dag si Jim Reyes ng 12 points para sa Pasigueño.

Nakapagtarak si Jona­than Boholano ng 5 points, kasama na ang two pressure-laden free throws ng Pasi­gueño para makasampa sa overtime. Nakatulong si An­ge­lico de Guzman sa Mariki­na na may 22 points, kasu­nod ni Ryan Costelo na may 13 at Jhone Amansec may 12.

Unang tinalo ng Pasi­gueño ang Manila na ginapi ang Binangonan, 90-83 para sa ikalawang straight win. Nagpalakas sina Mark Christian Yu, Arben Dionson, Almel Orquina, Aldrich Liwag at Wowie Escosio sa Sausage Kings, na nag-debut game sa 95-89 win laban sa Pasigueño noong Marso 2.

Tumapos si Yu ng 20 points, may 16 si Dionson. May pi­nag­sama sina Felipe Cha­vez at Marvin Dionisio na 32 points para sa Slashers, na lagpak sa 2-2.(MC)