PHILRACOM OPEN STAKES RACE SA MALVAR, BATANGAS

INAABANGAN ng “Bayang Karerista” ang salpukang umaatikabo ng mga local at imported horses sa pagtikada nang 2019 PHILRACOM “4 Year Old and Above Open Stakes Race sa Marso 17 araw ng Linggo sa Metro Manila Turf Club sa Malvar, Batangas.

Ngayon pa lang nagha­handa na ang ilang karerista na isa sa MMTCI sa Mal­var, Batangas upang pano­orin ang paghaharap ng mga imported at local horses sa darating na Linggo.

Maghaharap ang mga kalahok na Couple Entry na Cerveza Rosas-Son Also Rises;Lakan; Salt and Pep­per; couple entry na Lemon Drop Title-Smokin Satur­day; Trust Me; ay magka-couAQple entry na Gomper Girl-Summer Romance.

Naghihintay ang unang premyo P300,000, mapu­punta sa 2nd Place ang halagang P112,500 magka­kamit naman ng P62,500 ang 3rd Place at P25,000 sa 4th place habang makata­tanggap ng P15,000 ang horse owner na nagpalahi sa kabayo. Ayon sa Philracom ang naturang laban ay ka­una-unahan na magaganap lalo’t pa tatlong couple entry ang maglalaban.

Samantala, magaganap ang 2019 PHILRACOM “3 Year Old Local Fillies and Colts” sa San Lazaro Lei­sure Park, Carmona, Cavite sa Marso 24 sa susunod na Linggo. Bukas sa Fillies na may timbang na 52 kgs. ha­bang ang Colts ay magda­dala ng 54 ksg. na may premyong P1,000,000 na ha­hatiin sa apat na unang makatatawid sa finishline.

Tatanggap ng P.6-mil­yon ang mananalo sa na­sabing laban at P225,000 ang tatanghaling 2nd place, habang ang 3rd placer ng P125,000 at P50,000 ang 4th place. Makatatanggap ng P30,000 ang horse breeder sa mananalong kabayo.

Kasabay nito,itinakda ang nomination sa Marso 12 na may kabayaran na nagka­kahalaga ng P5,000 sa ba­wat kalahok at Drawing ng posisyon sa Marso 18, na­katakdang bayaran naman ang halagang P10,000 ng bawat kalahok.