Karapatan ng sinumang nagpakasal sa taong dati nang ikinasal sa iba

DR. PERSIDA V. RUEDA-ACOSTA / MAGTANONG KAY ATTORNEY

ANG kasal ng isang tao na mayroon nang na­unang kasal ay itinu­turing ng batas na walang bisa. Ang probisyon ng batas na ito ay matatagpuan sa Article 35 ng Family Code kung saan nakasaad ang mga sumusunod:

“Article 35. The following marriages shall be void from the beginning:

1. Those contracted by any party below eighteen years of age with the consent of parents or guardians;

2. Those solemnized by any person not legally authorized to perform marriages unless such marriages were contracted with either or both parties believing in good faith that the solemnizing officer had the legal authority to do so;

3. Those solemnized without a license, except those covered by the preceding Chapter;

4. Those bigamous or polygamous marriages not falling under Article 41;

5. Those contracted through mistake of one contracting party as to the identity of the other; and

6. Those subsequent marriage that are void under Article 53.

Ang kasal ng isang tao sa dati nang ikinasal ay nabibilang sa ikaapat na numero na na­banggit sa itaas. Walang bisa ang kasal na ito dahil ito ay itinuturing na bigamous marriage. Sa ganitong pagkakataon ang taong biktima ng ganitong uri ng kasal ay maaaring maghain ng Petition for Declaration of Nullity of Marriage sa regional trial court na gumaganap bilang family court sa lugar kung saan isinagawa ang nasabing pangalawang kasal o kung saan nakatira ang taong maghahain ng nasabing petisyon sa loob ng anim (6) buwan o mahigit pa. Kakailanganin lamang ang isang abogado upang gumawa ng nasabing petisyon. Nangangahulugan na sa petisyong ito ay hihilingin ng biktima na ideklara ng hukuman na walang bisa ang kanyang kasal sapagkat ito ay bigamous.

Maaari rin siyang maghain ng kasong kriminal laban sa kanyang asawa sa ilalim ng Article 349 ng Revised Penal Code kung saan nakasaad na:

“Art. 349. Bigamy. - The penalty of prision mayor shall be imposed upon any person who shall contract a second marriage or subsequent marriage before the former marriage has been legally dissolved, or before the absent spouse has been declared presumptively dead by means of a judgment rendered in the proper proceedings.”

Ayon sa batas, ang kasal ay espesyal na kontrata para sa pagtatag ng pamilya kaya maliban sa ang tanging puwede lamang ma­pagkasunduan ng mag-asawa ay inyong paraan kung papaano nila pangangasiwaan ang kanilang mga ari-arian sa marriage settlement, ang lahat ng insidenteng may kinalaman sa kanilang kasal ay hindi maaaring mapagka­sunduan ng mag-asawa, bagkus, ang mga ito ay pinangangasiwaan ng batas.

Pinarurusahan ng batas ang sinuman na muling magpapakasal habang ang kanyang unang kasal ay hindi pa naidedeklara ng hus­gado na ito ay wala ng bisa. Ang tao ay maaari lamang magpakasal kapag mayroon ng deklarasyon ang hu­kuman na ang kasal ay wala ng bisa o pina­walang-bisa ayon sa batas. Maaaring ihain ang reklamo sa Office of the City o Provincial Prosecutor sa lugar kung saan naganap ang pangalawang kasal.