BELGA, YAP AT GUEVARRA, MABIGAT ANG LABAN SA PBA ALL-STARS

MAGBABALIK ang mga defending champions sa PBA Skills Challenge competitions na sina Beau Belga, James Yap at Rey Guevarra upang depensahan ang kanilang mga korona sa PBA All-Star weekend sa Calasiao, Pangasinan.

Pipilitin ni Rain or Shine Belga na mapanatili ang Obstacle Challenge crown, habang ipagtatanggol din ni Yap ang back-to-back three-point shootout titles. Pakay din ni Guevarra ang record-tying fifth Slam Dunk championship.

Ang All-Star weekend ay nakatakda sa Marso 29-31. Labing-isa ang humahamon kay Belga, kabilang ang 2018 runner-up na sina Poy Erram ng NLEX. Lalahok din sa kompetisyon sina five-time MVP June Mar Fajardo ng San Miguel maging sina Yousef Taha (TnT Katropa), Noy Baclao (Alaska), Justine Chua (Phoenix), Moala Tautuaa (NorthPort), Raymar Jose (Blackwater), Prince Caperal (Barangay Ginebra), Brian Faundo (Meralco), Russel Escoto (Columbian Dyip) at Rafi Reavis (Magnolia).

Samantala, haharapin ni Yap ang bagong bigat ng laban habang pakay ang ikatlong overall crown sa three-point shootout na una niyang pinagwagian noong 2009.

Hinahamon si Yap nina rookie Robert Bolick (North­Port), Simon Enciso (Alaska), Philip Paniamogan (NLEX), Michael Digregorio (Blackwater), Reden Celda (Columbian Dyip), Baser Amer (Meralco), Roger Pogoy (TnT Katropa), at Peter June Simon (Magnolia).

Tanging sina LA Tenorio (Barangay Ginebra), Marcio Lassiter (San Miguel), at Matthew Wright (Phoenix) ang nakalaban ni Yap sa 2018 shootout contest. Nakahilera sa slam dunk cast ay sina dating title holders Chris Newsome (Meralco) at dating NCAA champion Lervin Flores (NorthPort), at top rookie pick CJ Perez (Columbian Dyip). (MC)