Tanod tigok sa kapwa tanod

PATAY ang isang tanod matapos saksakin sa dibdib ng kabarong tanod sa Bgy.3, Lipa City, Batangas.

Pasado alas-3:00 ng madaling-araw, kapwa naka-duty ang biktimang si Juan Doctolero, 63, at suspek na si Benzon Infante, 45, sa mismong katabi ng kanilang barangay hall sa tabi ng pampublikong pamilihan nang magtalo ang mga ito.

Hanggang sa bumunot ng patalim ang suspek at sinaksak sa dibdib ang biktima.

Nadala pa sa pagamutan ang biktima ngunit, binawian din ito ng buhay habang naaresto naman ang suspek na sinampahan na ng kaukulang kaso.