Magnanakaw, holdaper at swindler dumami, taghirap na talaga, tsk-tsk-tsk!

KA AMBO / BISTADO

BINOMBA ng AFP ang kuta ng Abu Sayyaf sa Patikul, Sulu.

Na naman?

◘◘◘

PINAYUHAN ni Mahathir Bin Mohamad ng Malaysia ang Pilipinas na huwag magpabaon sa utang sa China.

Huh, paano naman ‘yung mga baon sa utang sa Bumbay?

◘◘◘

BINASTED ng Co­melec ang utos ng Otso Diretso na ayusin ang debate nila kontra Hugpong ng Pagbabago.

Gustong makalibre ng publicity!

◘◘◘

ISANG multi-bilyu­naryo ang namatay nang pumalpak ang penis enlargement operation sa Paris.

Hindi kaya lumobo ang penis higit sa kanyang katawan?

◘◘◘

DAMANG-DAMA ang pagdarahop ng mga nasa “laylayan” ng lipunan.

Kahit kalahating kilo ng bigas ay hindi kayang bilhin!

◘◘◘

MARAMING suki sa karinderya ang umoorder ng half rice at nanghihingi na lang ng sabaw.

Ganyan ang bagong diskarte ng mga ordi­naryong obrero para mabuhay!

◘◘◘

TUWING umaga, dinudumog ang “pares-pares” sa kariton.

P25 hanggang P35 kada tasa ng sinangag at beef soup na may kakarampot na “sebo at makunat na litid ng baka”!

◘◘◘

ANG minimum wage na P400-P500 kada araw ay kapos sa isang pamilya ng obrero.

Babawasan ito ng SSS, Pag-Ibig, budget sa pamasahe at pag­kain ng limang beses sa 24-oras at ang pina­kamalaki ay pambayad sa utang!

◘◘◘

MALINAW na sinto­mas ng pagdarahop ay ang unti-unting pagdami ng magnanakaw, holdaper at swindlers.

Pero, hindi lang ang ordinaryong obrero ang nagdarahop, nagugutom din ang mga armadong parak na may pamilya rin.

Dahil diyan, nangi­ngikil, nangongotong at umiikot na rin ang mga parak sa mga gambling lord, ‘yung iba sa drug lords!

◘◘◘

ABALANG-ABALA ngayon si NCRPO Chief General Guillermo Eleazar sa pagbabantay at pag­hanting sa mga parak na scalawag.

Kasi kailangang madisiplina sila at makaiwas sa pagiging kriminal!

◘◘◘

MAHALAGANG makatulong ni P-Digong ang mga mahahalal sa 2019 Midterm Elections sa pagsugpo ng krimi­nalidad.

‘Yan ang dahilan kaya nakapasok na sa Top 12 sa huling SWS survey si General “Bato”!

◘◘◘

MAHALAGA ang magiging papel ni “Bato” sa pagsugpo ng kriminalidad na parang aswang na walang kamatayan.

Kahit puksain, nag­babalik-balik ito tulad ng pusang itim sa mga horror movie.

Para mapuksa ang aswang sa lipunan, kailangan ang bertud at bato ni Darna!