Dating beauty queen, sobra na raw… DAYANARA, INIWAN NG BF DAHIL MAY SKIN CANCER

Beth Gelena / BULGARY FILES

DAHIL sa skin cancer ng 1993 Miss Universe na si Dayanara Torres ay hiniwalayan siya ng fiancé, ang Marvel Studios co-president na si Louis D’Esposito.

Ayon sa source, ang pagbabahagi sa publiko ng former beauty queen ng iniindang maselang karamdaman ay “too much” para sa Marvel executive.

Lumabas sa Argentinean news na Infobae ang balitang hiniwalayan ng Marvel executive ang girlfriend sa pamamagitan ng pagtawag sa telepono right after mala­mang ini-announce ng Puerto Rican na siya ay na-diagnose na may skin cancer.

Ani D’Esposito, “It is too much for me.”

Kaya raw pala hindi na napapansin ng malalapit kay Dayanara ang engagement ring ng celebrity couple.

Kung matatandaan, nag-post si Daya­nara kung saan naka-highlight ang kan­yang mga daliri habang nagsusulat ng… “Notice the people who make an effort to stay in your life...”

November, 2018 nang ini-announce ng celebrity couple ang kanilang engagement.

Ilang taon ding nanirahan si Dayanara rito sa Pilipinas kung saan minahal siya ng mga Pinoy at nakagawa rin ng ilang pelikula rito.

Marami siyang naging kaibigang Pinoy celebrities na lahat ay nagdarasal sa maaga niyang paggaling.