PAGULAYAN AT DE LUNA SA WORLD POOL, PA-TRYOUTS SA SEAG 2019 TULOY SA PSC

ISANG Intsik at isang Austrian ang unang mga balakid nina Alex “ The Lion” Pagulayan at Jeffrey “The Bull” De Luna sa ka­nilang paglalakbay sa ma­lupit na 24-kataong 2019 World Pool Masters sa loob ng Victoria Stadium ng Gibraltar ngayong Mar­so 29 - 31.

Haharapin ni Pagula­yan, tubong Isabela at iti­nanghal na kampeon sa 32nd Annual Music City Open 9-Ball Champion­ships kamakailan, ang pam­bato ng China na si Wu Jiaqing samantalang ang alas ng Austria na si Albin Ouschan ang susu­bok sa tatag ng pulso ni De Luna na naghari sa 6th Annual Cole Dickson 9-Ball tourney at sa Sun­shine City 9-Ball Tourna­ment.

Kasama sa piling tala­an ng mga kalahok sa $100,000 na 9-ball tilt si two-time winner Niels Feijen (Netherlands), US Open kingpin Jayson Shaw (Scotland), Ko Pin-yi (Taiwan), Konrad Jusz­czyszyn (Poland), World 9-Ball titlist Joshua Filler (Germany), Eklent Kasi (Albania), Skyler Wood­ward (USA), Shane Van Boening (USA), Chris Mel­ling (UK), David Alcaide (Spain), Naoyuki Oi (Japan), Matt Edwards (New Zealand), Francisco Sanchez Ruiz (Spain) at ang WPA no.1 lady player na si Han Yu ng China.

Sa kabilang dako, bu­buksan na sa Marso 11 ang tryouts para sa natitirang upuan ng Philippine bil­liards team na sasargo sa 2019 SEA Games.

Ang bakbakan na ma­sa­saksihan sa Philippine Sports Commission Bil­liards Center ay para sa men’s at women’s 9-ball at 10-ball events.

Seeded na sa team sina Carlo Biado, Dennis Or­cullo, Johann Chua, War­ren Kiamco, Francisco Bustamante, Iris Ranola, Rubilen Amit, Chezka Centeno at Floriza Andal.