Hirit ni Mayor Sara, lahat ng kandidato sinungaling, mga iniendorso sapul?!
“PUBLIC OFFICE IS A PUBLIC TRUST”, KAYA MALI ANG SINABI NI MAYOR SARA NA HINDI ISYU ANG TAPAT NA KANDIDATO NGAYONG PANAHON NG HALALAN—Ikinagalit ng publiko ang sinabi ni Presidential Daughter Mayor Sara Duterte-Carpio na hindi raw importante sa kandidato ang pagiging tapat sa taumbayan ngayong panahon ng halalan dahil lahat naman daw ng mga tao, lalo na ang mga kumakandidato ay mga sinungaling.
May punto talaga ang mamamayan na magalit kasi ang ibig sabihin ng “public office is a public trust” ay ang dapat maupo sa puwesto sa gobyerno ay tapat sa tungkulin at hindi sinungaling, period!
◘◘◘
PARANG SINABI NI MAYOR SARA NA SINUNGALING SI “BONG” GO NANG ITANGGI NITONG PERA NG BAYAN ANG GINASTOS SA KANYANG T-SHIRTS CAMPAIGN MATERIAL—Ang sinabi ni Mayor Sara na sinungaling ang lahat ng mga kandidato ay kay ex-SAP “Bong” Go ito nag-boomerang.
Para na rin kasing sinabi ni Mayor Sara na nagsisinungaling si “Bong” Go nang sabihin nitong hindi pera ng bayan ang ginastos sa sangkaterbang t-shirts na may mukha at pangalan niya na ipinamudmod sa libu-libong barangay officials sa event ng “Liga ng mga Barangay” noong Pebrero, boom!
◘◘◘
DAPAT DAW ISALPAK NI P-DUTERTE SA KANYANG KUKOTE NA PANGULO SIYA AT HINDI HARI —Pinaalalahanan ni ex-Sen. Rene Saguisag si P-Duterte na ang posisyon nito sa gobyerno ay pangulo at hindi hari.
May punto si Saguisag sa sinabi niyang ito, kung mag-aasta raw kasi si P-Duterte ay parang hari at pati mga anak nito ay feeling mga prinsipe at prinsesa na kung makaasta, akala nila pag-aari nila ang Pilipinas, mga buwisit!
◘◘◘
MGA ILIGALISTANG SINA ‘ELMO’ AT ‘ROLLY’, DAPAT IPA-’TOKHANG’ NI PNP-R2 GEN. ESPINO—Lantaran na raw ang raket na “dice” nina “Elmo” at “Rolly” sa Santiago City, Isabela.
Kailan kaya ipato- "tokhang” ni PNP-Region 2 Director Jose Mario Espino ang dalawang iligalistang ito? Abangan!
Comments