Truck vs. bus, 34 nadale

TATLUMPU’T APAT ang sugatan matapos mag­bang­gaan ang trailer truck at pampasaherong bus kama­kalawa ng gabi sa panulukan ng San Marcelino at Re­me­dios Sts., Malate, Manila.

Ayon sa Philippine Red Cross, 28 sa mga sugatan ang dinala sa Ospital ng Maynila, Philippine General Hospital at Manila Doctors Hospital. Ayon kay Nelson Nati­vi­dad, team leader ng Red Cross-Manila Chapter, nag­tamo ng minor injuries ang mga biktima.

Sa inisyal na imbesti­gasyon, mula Lawton pa­tungong Cavite ang bus na Kersteen Joyce (DXG 860) na minamaneho ni Joseph Mojica nang masalpok ng trailer truck (DUD 688) na minamaneho naman ni Noli Mendoza, ang likurang ba­­hagi nito dahilan para ito ay tumagalid.

Galing eastbound lane ang bus at patawid ng San Marcelino St. nang ma­bangga ng trailer truck mula south­bound lane ang likod nito. Nasa kustodiya na ng pu­lisya ang mga driver ng truck at bus.

Ayon sa Manila Police District-Station 5, alas-9:45 ng gabi nang maganap ang insidente sa nabanggit na lugar.

Ang nabanggit na insi­dente ay nagdulot ng mabigat na daloy ng trapiko sa lugar.