Pramis ni Digong | NEXT YEAR, WALA NANG TRAPIK

NANINIWALA si Pa­ngulong Rodrigo Duterte na dahil sa pinaigting na Build, Build, Build Program ay lu­luwag na ang daloy ng tra­piko sa Metro Manila pag­dating ng 2020.

Nabatid na kaliwa’t ka­nan na ang pagpapatayo, pag­sasaayos at konstruk­siyon ng mga kalsada pati na ang train system.

“Itong Build, Build, Build. Biro mo galing ka Ave­nida punta ka ng Caloocan. Just about mga five minutes, nandiyan na. Pero kailangan may sasakyan ka or bus. Iyan na lang ginawa ko,” ani Pangulong Duterte.

Una nang binuksan ang NLEX Harbor Link Seg­ment 10 na 5.65 kilometro na elevated expressway na daraan sa Valenzuela, Ma­labon at Caloocan na layu­ning mapabilis ang biyahe sa pagitan ng Metro Manila at kalapit-probinsiya sa Luzon.

“Next year, maluwang na ang Maynila without — sans the help of the Senate. Sa Build, Build, Build, ‘yon ‘yung TRAIN. Eh, paano ko matuloy ‘yan kung kinaka­laban lang nila?” ayon pa sa pangulo.

Aniya, kahit walang tu­long ng Senado ay maso­so­lusyunan pa rin ang ma­tagal nang problema sa tra­piko sa Kamaynilaan. Ang pagtuldok ng trapik ang isa sa mga ipinangako noon ng pangulo.

Matatandaang, ikina­dismaya noon ni Pangulong Duterte ang pagtanggi ng Kongreso na bigyan siya ng emergency powers.