MARIANO III, NAGKAMPEON SA REDKINGS BLITZ TOURNEY

KUMARIPAS si FIDE Master Nelson Mariano III sa pagkolekta ng anim at kalahating puntos sa loob ng pitong rounds para makopo ang korona samantalang ma­tagumpay na nakasampa sa podium ang isang 14-an­yos at isang 12-anyos na chessers nang Ibaba ang te­lon ng Redkings Blitz Tour­nament sa Makati.

Naging malaking tulong sa kampanya ng 9th seed na si Mariano, may rating na 2268, ang mga panalo kontra kina International Master Ricielieu Salcedo (rating: 2300), IM Daniel Quizon (rating: 2325) at FM Narquingden Reyes ganun­din ang pakikipaghatian niya ng puntos nang maka­harap si Grandmaster Ro­gelio Antonio Jr. (rating: 2430).

Nakapuntos din si Ma­riano kina Stephen Manza­nero, Michael Linde at Kevin Mirano.

Nakuha ng 12-anyos na si Quizon ang runner-up honors matapos itong ma­kaipon ng 5.5 puntos sa­mantalang si Mark Jay Ba­cojo, isang 12-anyos na un­titled chesser, ang puma­ngatlo sa torneong umakit ng 60 disipulo ng ahedres kabilang na ang dalawang GMs, apat na IMs, 3 FMs at 2 NMs.

Napabilang sa unang sampung performers sina IM Jan Emmanuel Garcia, IM Paolo Bersamina, FM Randy Segarra, untitled Don Tyrone Delos Santos, IM Salcedo, FM Reyes at un­titled Chester Neil Reyes.

Sa team competition, nakuha ng Young Chess Aca­demy, ang titulo mata­pos magsanib-puwersa sina Angelo Young, Karla Victor Ochoa, Jason Rojo at Chris­topher Megino para sa pag­rerehistro ng limang panalo at dalawang draws.