Pinaghahandaang mabuti… TOM, KUMANTANG GUSTO NANG ANAKAN SI CARLA

Beth Gelena / BULGARY FILES

KUNG tutuusin, gusto nang maging ama ni Tom Rodriguez. Inamin niyang gusto na nilang magkaanak ng 5 years girlfriend niyang si Carla Abellana.

Pero mangyayari lang daw ‘yun kung magpapakasal na silang dalawa.

Ayon kay Tom, wala pang proposal na nagaganap. Kailangan daw kasi ay wedding muna. Kapag may suot nang singsing si Carla ay madali na raw ‘yung magka-baby sila.

Wala na nga namang mahihiling si Tom dahil sa itinagal na ng relasyon nila ng Kapuso actress ay kilala na nila ang isa’t isa.

Isa pa, pinaghahandaan daw nilang mabuti ang lahat nang sa gayon ay walang pagsisisi sa bandang huli.

May na-invest na rin ang dalawa. Nakabili na sila ng lupang pagtatayuan ng kanilang dream house.

Si Tom ay may bagong fantaserye sa GMA-7, ang Dragon Lady na pinagbibidahan ni Janine Gutierrez na mapapanood pagkatapos ng Eat…Bulaga!.