U.S., nagpramis na dedepensahan ang 'Pinas kapag inatake ng China, bola?

NANGAKO ang U.S. na dedepensahan ang Pilipinas kapag inatake ng China.

Pangako lang?

◘◘◘

BAKIT nang sakupin ng China ang Panatag Shoal, hindi dumipensa ang U.S. Fleet?

Bola lang ‘yan!

◘◘◘

HINDI naman AFP ang naduwag sa mga Tsino.

Pentagon mismo ang natakot sa China!

◘◘◘

ANG Spratlys Island ay isang international waters, pero bakit hindi pinigil ng U.S. at NATO ang pag-takeover ng Chinese sa pinag-aagawang karagatan?

Dapat masagot ‘yan ng mga eksperto!

◘◘◘

KINASUHAN na si ex-DOH Sec. Janette Garin at iba pang ehekutibo kaugnay sa Dengvaxia.

Ang kaso ay tinawag na “8 counts of negligence” sa 8 namatay na paslit.

Sakaling mapatunayang nagkasala, kulong sila ng “walong” anim na buwan.

Ganu’n lang ang parusa?

◘◘◘

NAGSIMULA nang mag-boxing si Jimuel Pacquiao.

Puwede na siyang kumandidatong kongresista!

◘◘◘

MARAMI nang inarestong nangingidnap ng paslit.

Pero hindi pa sila “nang-aagaw ng baril”!

◘◘◘

IBINAGSAK ng dalawang commercial airlines ang pamasahe sa eroplano.

Kahit gawing mamiso ang ticket, hindi pa rin ‘yan kayang bilhin ng nagugutom na si Butsoy!

◘◘◘

DARATING sa Maynila si Malaysian Strongman Mahathir Muhamad.

Mabuhay ang Sabah!

. .