Abu Sayyaf member sumuko
Pabs Hernandez III
Mar 2, 2019
1 min read
SULU—Isang miyembro ng Abu Sayyaf Group (ASG) ang sumuko sa Philippine Army (PA), kamakalawa sa Bgy. Danag, Patikul sa lalawigang ito.
Para sa kanyang seguridad ay hindi na pinangalanan ng mga awtoridad ang sumukong ASG member.
Ayon sa sumukong ASG member, nais na umano niyang magbagong-buhay kaya nagpasya siyang magbalik-loob sa pamahalaan.
Sa kasalukuyan ay isinasailalim pa sa taktikal na interogasyon ang sumukong ASG member upang matiyak na bukal sa loob nito ang pagbabalik-loob sa pamahalaan.
Comments