11 nasampulan, reklamo sa PNP | MGA KANDIDATO, GUMAGAMIT NG WANGWANG

AABOT sa 11 moto­rista ang nasampulan ng Philippine National Police-Highway Patrol Group sa pinalakas na kampanya nito kontra wangwang.

Ayon kay PNP Chief Po­lice General Oscar Alba­yalde, karamihan sa mga rek­lamong ipina­rating sa ka­nila ay ang mga kandida­tong gu­magamit ng wangwang.

Inilunsad ang mga ope­rasyon sa Quezon City at San Juan City kung saan ay kabilang sa mga pinara ay mga pribadong sasakyan at motorsiklo na may dome­light, blinker at flasher.

Kinumpiska lamang ang mga wangwang at hindi muna pinagmulta ang mga nahuli.

Damay din sa nahuli ang mga gumagamit ng hindi awtorisadong vanity plates.

Diin ni Police Brigadier General Roberto Fajardo, ang mga pinapayagan la­mang na gumamit ng wang­wang at blinker ay ang AFP PNP, iba pang law enforce­ment agencies at mga ambu­lansiya.