Universal Health Care, ginawang batas kahit walang sapat na pondo, payabang!
DAGDAG-TAX AT DAGDAG BUTAW SA UNIVERSAL HEALTH CARE—Kapos ng P170 bilyon ang pondo ng isinabatas na “Universal Health Care” ni P-Duterte at para maimplementa ito, ang naisip na solusyon ng Duterte gov’t. ay dagdag-tax at dagdag-butaw.
Hay naku, para lang makapagyabang sa publiko at pampropaganda sa mga kandidato ng administrasyon ay isinabatas ito ni P-Duterte kahit kapos sa pondo tapos para ma-implement, ang magdurusa sa dagdag-tax at dagdag-butaw ay ang taumbayan, buwisit!
◘◘◘
PARA KAY CALIDA, WALANG ‘K’ ANG MGA NURSE SA DAGDAG-SUWELDO — Kinontra ni SolGen Jose Calida sa Supreme Court (SC) ang hirit ng Ang Nars Partylist na dagdagan ang suweldo ng mga nurse dahil ayon sa SolGen, wala raw “K” ang mga nurse na humirit ng dagdag-suweldo.
Ah, ganu’n? Walang “K” ang mga nurse na madagdagan ng suweldo, pero ang security agency ng pamilya ni Calida may “K” magkamal sa pera ng bayan sa pamamagitan ng pagkopo ng mga security contract sa mga tanggapan ng gobyerno, pwe!
◘◘◘
KOREK SI SEN. “KIKO” SA SINABI NITONG PINOY ANG DAPAT MAKINABANG SA TRABAHO AT HINDI ANG MGA CHINESE KASI HINDI NAMAN “PROVINCE” NG CHINA ANG PILIPINAS—Binatikos ni Sen. “Kiko” Pangilinan ang pahayag ni P-Duterte na hayaan na lang daw ang mga illegal Chinese worker sa bansa.
Sabi ni Sen. Kiko, ang mga walang trabahong Pinoy daw ang dapat makinabang sa mga bakanteng trabaho sa gobyerno at hindi mga illegal Chinese worker kasi hindi naman daw probinsiya ng China ang Pilipinas, boom!
◘◘◘
MAY SHABU PA RIN SA DAVAO CITY —Apat na preso ng Davao City Jail na sangkot sa drug trafficking ang napatay ng mga pulis-Davao.
Akala ng publiko wala nang shabu sa Davao kasi ang sabi ni P-Duterte, hate niya ang drugs, pero mayroon pa pala, buwisit!
Comments