Programa ng gobyerno na nagbibigay ng graduate degree para sa mga Pilipino scientist

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Magandang araw! Nais kong malamang kung mayroon bang programa ang ating gobyerno para sa mga Pilipino scientist na dalubhasa sa kanilang larangan ngunit, walang graduate degree? — Rommel

Dear Rommel,

Para sa inyong kaalaman, ang inyong katanungan ay binigyang-linaw ng Republic Act (R.A.) No. 11035 o mas kilala sa tawag na “Balik Scientist Act” kung saan maaaring bigyang-tulong ang isang siyentipikong hindi nagtapos sa kolehiyo:

“SEC. 5. Definition of Terms. – For the purpose of this Act:

(a) Balik Scientist – a science, technology or innovation expert or professional, as certified by the DOST, who is a Filipino citizen or a foreigner of Filipino descent, accorded with benefits and incentives under this Act to undertake science and technology activities along his or her field of expertise with a host institution under short-term, medium-term, or long-term engagement, who is either:

1. A resident of another country at the time of application; or

2. A Philippine-resident for not more than three (3) years at the time of application, beginning from the most recent date of arrival from overseas education or employment along his or her field of expertise:

Provided, That those without graduate degrees equipped with exceptional expertise can be qualified under this Program.” (Binigyang-diin)

Batay sa nabanggit na batas, ang Balik Scientist ay isang Pilipino citizen o foreign of Pilipino descent na dalubhasa sa agham, teknolohiya o innovation na sertipikado ng Department of Science and Technology (DOST).

Ang Balik Scientist Program ay programa na pangangasiwaan ng DOST na may layuning aprubahan at igawad ang mga short-term, medium-term at long-term engagement sa mga Balik Scientist at tiyakin ang kanilang pakikilahok sa mga aktibidad tulad ng mentorship, pagsasanay, panayam, pananaliksik at pag-unlad at mga inisyatibo sa paglilipat ng teknolohiya na napapailalim sa kasunduan sa pagitan ng DOST, Balik Scientist at host na institusyon [Section 3, R.A. No. 11035].

Maliwanag sa nasabing batas na ang Balik Scientist na may natatanging kaalaman ay maaaring maging kuwalipikado sa Balik Scientist Program kahit siya ay walang graduate degree.

Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impor­masyong ibi­bigay. Mas mainam kung personal kayong sasangguni sa abogado.

Maraming salamat sa inyong patuloy na pagtitiwala.