Pagdawit sa journalist sa CPP-NPA, pinalagan

BINATIKOS ang aku­sasyon sa isang journalist mula sa Cagayan de Oro na si Cong Corrales na pina­ratangang may koneksiyon sa New People’s Army (NPA) at Communist Party of the Philippines (CPP).

Kabilang ang kapwa journalist na si Jiggy Mani­cad sa pumalag sa polyetos na may nilalamang pangalan ng apat na organisasyon at 19 na tao, kasama si Corra­les, na isang associate editor sa Mindanao Gold Star Daily at ang kanyang asawa at anak.

“I know Cong. Corrales perso­nally from our cover­ages together in Mindanao, and I can say that he is truly a professional in this field,” paliwanag ni Jiggy Manicad sa isang panayam.

“Unless, there is com­plete evidence of the fact, red-tagging especially of the media will not be tolerated. Ginagawa lang namin ang trabaho naming mag-ulat ng katotohanan ngunit, ka­dalasa’y may mga masasa­mang element na nais ka­ming makitang masaktan o mapatay sa anumang pa­mamaraan. Dapat lubos na imbestigahan ito ng mga aw­toridad,” dagdag pa nito.

Aniya, ang pagsama ng pangalan sa mga listahang ganito ay minsan ay dahilan upang maging target ng mga hit squad.

“We denounce this list as it is not only aimed to in­timidate me in my work as a journalist but has endan­gered my family. We know fully well that red-tagging is a virtual death sentence,” ayon naman kay Corrales.

Samantala, tinuligsa rin ng Cagayan de Oro Press Club (COPC) ang na­sabing polyetos.

Tinanggihan naman ng Philippine National Police Regional Office 10 at ng Phi­lippine Army ang anumang partisipasyon sa listahan.