P-DIGONG, WALANG TAKOT SA DIYOS, DUWAG NAMAN SA CHINA
P-DUTERTE, MATAPANG SA DIYOS,TIKLOP SA CHINA? — Sa mga naging pangulo,si P-Duterte lang ang nagpapakita ng tapang at walang takot sa Diyos kasi kapag binabanatan niya ang mga taong-Simbahan, minumura at inaalipusta niya ang Diyos pero, pagdating sa China, tiklop si P-Duterte kasi sabi niya, ayaw niyang magprotesta sa pananakop ng China sa West Philippine Sea (WPS) dahil baka giyerahin daw ang Pilipinas at ayaw din niyang ipa-deport ang mga illegal Chineseworker sa bansa dahil baka raw paalisin mga OFW sa China, boom!
KAPOS PALA SA PONDOANG UNIVERSAL HEALTHCARE — Inamin ni Quezon Rep. Angelina Tan, chairperson ng HouseCommittee on Health na kapos ng P170 bilyon ang pondo ang Universal Health Care na isinabatas ni P-Duterte. Kung kapos sa pondo, lumalabas na kaya lang nilagdaan ni P-Duterte ang batas ay para propaganda sa mga kandidato niya sa senatorial election, buwisit!
EDSA REVOLUTION ANNIVERSARY,‘NILANGAW’ NANAMAN — Idinaos kahapon ang ika-33 anibersaryo ng EDSA People Power Revolution. Tulad nang inaasahan, “nilangaw” na naman ang anibersaryong nagpatalsik kay ex-Pres. Ferdinand Marcos, Sr., hu-hu-hu!
DROP BALLS AT COLORGAMES SA SAN MIGUEL,BULACAN, ‘PROTEKTADO’ NGMGA ‘TONGPATS’ COLLECTOR — Parang kabuteng nagsulputan ang mga raket na drop balls at color games nina “Oliver” sa Bgy. Malibay; “Myrna” sa Bgy. Buliran; “Mikel” sa Bgy. Madilim-Tagalog; “Ric” sa Bgy. Bulwato; “Bakulaw” sa Bgy. Pala-Pala, pawang sa San Miguel, Bulacan. Ang dahilan daw kaya walang awtoridad na nanghuhuli sa mga iligalistang ito ay dahil dalawang “tongpats” collector na sina “Adarna” at “Abdul” na nagpapakilalang “tongpats” collectors nina PNP-Region 3 Director, C/Supt. Joel Coronel at PNP-Region 3-Regional Intelligence Chief Supt. Jay Dimaandal ang nabibigay-proteksiyon daw sa mga ganitong uri ng raket sa Bulacan, buwisit!
Comments