Nag-aaral sa panaginip

Socrates Magnus

Salaminin natin ang panaginip ni Rey ng Rey _Tapz@facebook.com

Dear Professor,

Ano ang kahulugan na nag-aaral ako sa aking pa­naginip?

Naghihintay,

Rey

Sa iyo Rey,

Tuwing graduation ay tuwang-tuwa ang mga es­tudyanteng tatangap ng diploma. May mga senaryo na inihahagis pa nila ang kanilang mga toga at marami sa kanila ay makikitang lu­muluha sa sobrang kagalakan.

Ang magkakabarkada ay nagyayakapan kung saan kahit sobrang haba ng sere­monya at sobrang init ng ka­nilang gown at gutom na gutom na sila ay makikitang mga nakangiti pa rin.

Ang mga magulang na­man ay mas malakas pa ang iyak kaysa sa kanilang mga anak at halos hindi maka­pagsalita sa sobrang tuwa.

Ang mga guro, kung ga­ano kasaya ang mga estud­yante ay ganundin sila. Ma­rami rin ang mga gurong na­iiyak dahil saksi sila sa mara­ming taon na naghirap ang kanilang mga mag-aaral.

Sa kabila ng malakas na palakpakan at hiyawan ha­bang nag-iiyakan sa galak, naroon pa rin ang katotoha­nan na ang pag-aaral ay hin­di natatapos sa pagtanggap ng diploma.

Sabi ni Albert Einstein, “don’t be afraid to ask ques­tion.” Aniya, dapat malaman ng tao na ang buhay ay wa­lang katapusang pag-aaral.

Tulad ng tanong mo na nanaginip ka na ikaw ay nag-aaral? Isa ito sa mga patunay tungkol sa sinabi ni Einstein.

Ito rin ay patunay na may kailangan ka pang matutunan sa iyong buhay at may mga bagay ka pang hindi alam. Hindi lang ikaw ang dapat na may matutunan dahil ang lahat ay gayundin, kumbaga, tayong lahat ay habambuhay na magiging estudyante.

Ito rin mismo ang men­saheng gustong ipaabot sa iyo ng iyong panaginip na pag-aralan mo ang lahat ng nangyayari sa iyong buhay dahil ang gusto ng panaginip mo ay magtagumpay ka.

Ang mga matagumpay na tao, sila na nagtatamasa ng very suc­cessful life ka­pag tinanong mo ay aamin sa iyo na kaya sila naging matagumpay ay dahil pinag-aaralan nila ang ka­nilang na­karaan, kasalu­ku­yan at ang posibleng mang­yari sa hina­harap.

Kaya, muli, pag-aralan mo ang lahat ng nangyayari sa buhay mo dahil ito ang sikreto para magkaroon ka ng magandang kinabukasan.

Hanggang sa muli,

Professor Seigusmundo del Mundo