Trak sumalpok sa poste, 2 patay

DALAWA ang nasawi habang dalawa rin ang sugatan matapos sumalpok ang isang trak sa Bgy. Banga, Talisay, Batangas.

Alas-3:40 ng hapon, minamaneho ng driver na si Henry Requimin ang truck galing ng Tagaytay City patungo sa direksiyon ng Talisay, Batangas.

Pababa na sila nang mawalan ng preno hanggang sa tuluyang sumalpok sa poste ng kuryente. Nagtamo ng pinsala sa katawan ang driver at pasaherong si alyas Ralp.

Idineklara namang dead-on-arrival ang dalawa pang pasaherong hindi pa nakikilala.