LASCO AT GOZUM NG SAN MATEO AT BULACAN BUMIDA SA CBA

SUMANDAL ang San Mateo sa kabayanihan ni Damian Lasco upang gulatin ang San Juan, 89-85, sa isang kapana-panabik na engkuwentro sa Community Basketball Association (CBA) Foun­ders’ Cup basketball championship sa San Juan gym kamakailan.

Ipinukol ni Lasco ang tie-breaking three-point shot sa huling 15 segundo upang maitakas ng Blazers ang come-from-behind victory laban sa Knights na ikinadismaya ng home crowd. Ang nasabing game-winner ni Lasco at kumumpleto sa 32-20 fourth-quarter performance ng Blazers na bumura sa 57-65 deficit patungo sa huling quarter.

May tsansa pa sana si Joshua Saret na itabla ang iskor at dalhin ang laban sa overtime, subalit nabigo siyang ipasok ang sariling three-pointer may walong segundo pa ang nalalabi. Ang split ni Ralph Salcedo sa free throw line ang tumuldok sa laro.

Si Gumaru ang namuno sa San Mateo sa kanyang 30 puntos mula 11-of-14 shooting, kasunod si Lasco na may 19 at Salcedo na may 14. Si Saret ay may 17 puntos para sa Knights. Sa isa pang laro, umasa ang Bula­can sa balan­seng open­siba upang biguin ang Quezon City, 97-93, para sa unang panalo sa community-based na liga ni actor-director Carlo Maceda.

Si Martin Gozum ay may 20 puntos, 7 rebounds at 6 assists at si Omar Santos ay may 16 puntos at 17 rebounds para sa Bula­can, na lumamang ng 12 puntos. Tatlong iba pang players ang nagpa­kitang-gilas para sa Heroes, na mas maraming rebounds, 56-44, at assists, 27-14, kaysa Capitals.