MPBL ALL STARS, ABANGAN ANG NORTH VS. SOUTH AT PARIPA SA FANS

KABILANG sa mga tampok na events na tiyak na magbibigay kasiyahan sa basketball fans sa gaganaping MPBL All-Stars Weekend sa Marso 2 sa MOA Arena sa Pasay City ay ang Three-Point Shootout, Slam Dunk contest, 2-Ball competition, Executive Match at ang North vs. South All-Star game.

Bukod diyan ay may bagong sasakyan, 26 na motorsiklo at ilang mahahalagang gadgets ang pa-raffle na nag­hihintay sa basketball fans na kaloob ni Senator Manny Pac­quiao. “Simple lang po ang gagawin natin. Mag­punta sa MOA Arena, bumili ng ti­kets kahit magkano po ang pres­yo ng tiket na bibilhin kasama na po kayo sa raffle at may tsan­sang manalo sa mga prem­yo na ka­loob ni Se­nator Manny Pac­quiao,” pahayag ni Ma­har­lika Pilipinas Basketball Lea­gue (MPBL) Com­­missioner Kenneth Durem­des, sa kanyang pag­bisita sa “Usapang Sports’ ng (TOPS).

“Pero siyempre, ang All-Stars Game namin ay para sa aming mga fans at supporter. Ito ang pamamaraan namin para magpasalamat,” sambit ni Duremdes. Tata­yong coach ng North All-Star si Jojo Lastimosa ng Bataan Risers-Zetapro, ha­bang si Don Dulay ng Davao Occidental Tigers-Cocolife ang bahala sa South team.

Ilan sa star players ng liga na inaasahang makikibahagi sina Aris Dionisio ng Manila, Gary David ng Bataan, JR Taganas ng Bulacan, Larry Rodriguez ng San Juan at Paolo Hubalde ng Valen­zuela para sa North; Allan Mangahas ng Muntinlupa, Mark Yee ng Davao Occidental, Jeff Viernes ng Batangas, Gab Banal ng Bacoor para sa South.

Kabuuang 26 koponan ang miyembro ng MPBL at sinabi ni Duremdes na bukas pa sila para sa anim na kopo­nan sa susunod na season. Nilinaw din ni Durem­des ang kagustuhan na ma­pasai­lalim sa supervisioned ng Games and Amusement Board (GAB) at pinag-aaralan pa umano ng kanilang legal counsel ang posibleng maging resulta nito sa mga players na aktibo pa ring mi­yembro ng collegiate leagues at iba pang commercial tournaments. “Tama naman po ang GAB dahil mainam na may supervision. Pero sa ngayon yung vision po kasi ng liga na grassroots at nandyan kaya until now amateur kami, So far, naki­kipag-usap kami kay GAB Chairman Baham Mitra para maayos ito for the good of everybody,” aniya. Iginiit ni Duremdes na walang suweldo o kontrata ang pla­yers ng MPBL. “Pero meron silang nakuku­hang allowances,” pahayag ng one-time MVP ng PBA.