CEU SCORPIONS, KAMPEON VS. PMMS SA 26TH NCRAA

WINALIS ng Centro Es­colar University ang 26th National Capital Region Athletic Association (NCR­AA) at maiuwi ang korona kontra sa Philippine Mer­chant Marine School, 62-61, Miyerkoles sa napunong Pa­co Arena. Tinapos ng Scor­pions ang kanilang unang sabak sa torneo na walang ba­hid ng pagkatalo sa 11 laro.

Sa huli, nanaig ang mga beterano ng CEU na sina Tyron Chan, Rich Guinita­ran at Christian Uri.

Hindi pinatawad ng de­pensa ng Scorpions at na­gawa nilang hindi maka­puntos ang Ma­riners sa loob ng unang anim na minuto ng huling quarter at lumamang, 57-48, sala­mat sa mga tira nina Chan at Uri.

Subalit hindi sumuko ang PMMS at lumapit sa bisa ng magkasunod na tres nina Kurt Sunga at Ralph Briones, 62-61, at 1:29 ang nalalabi.

Hindi na gumalaw ang talaan pero kinabahan ang mga maka-CEU matapos mapituhan ang kanilang koponan ng 24-second shot clock violation at limang se­gundo sa orasan.

May pag­­kakataon ang PMMS pero hindi pinasok ni 26th NCR­AA Most Va­luable Player Bryan Hilario ang kanyang malayong tira sa­bay tunog ng busina at ito ang naging hudyat ng kasi­yahan ng CEU sabay ng pagbuhos ng tubig kay Coach Derick Pu­maren.

Nanguna para sa Scor­pions si Chan na may 16 points and walong re­bound habang may 14 puntos at apat na assist si Uri.

Nag-ambag ng 12 pun­tos at wa­long rebound si Guinitaran.