Gusto naman daw ng bago… COLEEN, UMAMING DAHIL KAY BILLY KAYA NILAYASAN ANG DOS

Vinia Vivar / FRANKLY SPEAKING

Aminado si Coleen Garcia na malaking factor si Billy Crawford sa kanyang desisyon na lumipat ng management from Star Magic to Viva Artists Agency na nangangalaga na rin ng career ng kanyang mister.

“It’s not something I just decided all of a sudden. It really took me such a long time to decide and I figured that with this new chapter in my life, I really just wanted a fresh start also. And I wanted a new beginning,” ani Coleen nang makausap namin sa contract signing niya sa VAA held last Monday.

Of course, pinag-usapan nila ito ni Billy at malaking factor din naman siyempre ang asawa niya sa kanyang desisyong paglipat.

“He (Billy) did give me advice at naka­tulong din na nandito na nga siya, so marami rin siyang nakukuwento sa akin na ano, his experiences working with Viva and he only has really good things to say, and nakatulong din sa pag-decide ko na lumipat sa Viva,” she said.

Sampung pelikula for 5 years ang pinirmahan ni Coleen at excited na ang aktres na magtrabahong muli since matapos silang ikasal ni Billy last year ay nagpahinga muna siya sa showbiz.

Dahil nga pumirma siya ng sam­pung pelikula sa Viva, nata­nong namin kung wala pa ba silang plano na mag­karoon ng baby at aniya, sa ngayon, “Medyo matagal-tagal pa naman po. Siguro, mga 2-3 years pa. It really depends on where we are in our career and personally also, kasi we have to be ready. Ayaw naming gawin nang basta-basta. Kailangan, ready kami talaga,” she said.

Pero kung mabubuntis naman siya nang wala sa plano, ibinigay daw ‘yun ng Panginoon at siyem­pre, tatang­gapin nila nang buung-buo.

Ngayong married na siya, open pa ba siya sa mga kissing scenes and love scenes?

“Kasi siyempre, may mga stories na hindi talaga matatanggal ‘yun, like for example, if it’s a love story, or if mag-asawa kayo, siyempre, part of the story ‘yun.

“So, depende rin talaga like how far kailangang pumunta sa isang story, and you know, if the story is actually worth it for me to accept a role like that.

“Pero depende, kasi minsan, kung mag-iinarte ako sa ganyan, ikakasira rin ng story, ‘di ba? Parang hindi magiging believable. So, you know, it really depends on the project,” ani Coleen.

But of course, kailangan pa rin daw nila itong pag-usapan ni Billy.

“Actually, everything naman, hindi lang sa kissing scenes, even when it comes to accepting a project, not because I’m asking for permission but because I’m asking for his opinion.”

Bawal na ba magpa-sexy?

Natawa si Coleen. “Hindi naman, it’s just more on a personal decision na I want to do something different also. Kasi hindi naman puwedeng forever. Pero at the same time, depende rin kasi sa project. I mean, kung may duma­ting na project that would require me to act or be a certain way, I will do it for the project.”

Pag-uusapan pa raw nila ni Boss Vic del Rosario (Viva’s big boss) ang mga gagawin niyang pelikula pero sa ngayon ay may ginagawa siyang romantic-comedy independent film with Edgar Allan Guzman.

Tatapusin daw muna niya ang indie film hanggang March at pagkatapos ay idi-discuss na nila ang mga gaga­win niyang movies sa Viva.

Natanong din namin si Coleen kung open ba siya sakaling may offer ang GMA-7 sa kanya since wala na rin naman siyang kontrata sa ABS-CBN at sabi niya, sa Viva na raw niya ito ipi­namamahala.

“Kasi sila rin ‘yung nakakaalam kung ano ang tama para sa akin.

“I’m not sure how it works, eh. Kasi, I think, ang alam ko, if you’re signed with Viva and you’re not signed sa network, puwede kang both (networks).

“Pero I mean, I’ve always been a Kapamilya, and I love being a Kapamilya but if there’s an opportunity to work with both of them, why not? But kung pipili ako, I’m happy with where I am pa rin until now,” sey pa ng aktres.