YULO, GOLD ANG TARGET SA TOKYO OLYMPICS

IPAGPAPATULOY ng binatilyong si Carlos Edriel Yulo ng Pilipinas ang kan­yang paghahangad na ma­kasungkit ng gintong me­dalya sa Tokyo Olympics sa pamamagitan ng paglahok sa Olympic qualifier na 2019 World Cup Gymnas­tics si­mula ngayong Pebrero 21 hanggang 24 sa Mel­bourne, Australia.

Sasalang sa apat na events ang Pinoy na baga­mat 18-anyos pa lang ay nakikipagsabayan na sa se­niors events kontra sa mga de-kalibreng kalahok at si­na­sabing bagong mukha ng Philippine gymnastics kapa­lit ni Bea Lucero noong na­karaang dekada.

Ang unang dalawang araw ng kompe­tis­yon sa Australia ay nagla­layong hugutin ang walong gym­nasts na puwedeng ma­ki­pagsapalaran sa finals.

Ang final round ay ma­sa­saksihan sa huling dala­wang araw ng torneo. Podi­um ang puntirya ng mga gus­tong mag-qualify sa Olympiad.

Sa mga kompe­tis­yong dati na niyang sina­lihan, malupit na potensiyal ang ipinapakita ni Yulo kaya isa siya sa itinuturing na pi­na­kamalaking pag-asa ng Pili­pinas para makakuha ng Olympic gold sa susunod na taon.

Katunayan, nakasam­pa sa podium ang Pinoy Olym­pic hopeful nang lu­ma­hok ito sa Doha World Cham­pionships at sa World Cup sa Cottbus, Germany sa hu­ling bahagi ng 2018.

Dahil isang Olympic qua­­lifier ang paligsahang kilala rin sa bansag na Mel­bourne World Cup, lahat ng mga umaasinta ng me­dalya sa 2020 Olympiad mula sa 32 bansa ay nagpadala ng kalahok.