Travel at flight documents pa-Dubai, peke | 100 APLIKANTE NAGOYO NG MAG-LIVE-IN PARTNER

TIMBOG ng mga ahen­te ng National Bureau of Investigation-International Airport Investigation Divi­sion (NBI-IAID), ang isang Pinay at live-in partner ni­tong Jordanian national na nakapanggoyo umano ng may 100 aplikante para ma­kapagtrabaho sa Dubai.

Mismong sa NAIA Ter­minal 3, nadakip ng NBI ang mga suspek na sina Myrla Olar at Ali Moh-Khalil Tar­rish habang naghihintay ng flight at tatakas sana papun­tang Davao.

Ang mga OFW ay nasa NAIA na nang matuklasan nilang peke ang kanilang travel at flight documents, kaya agad silang humingi ng tulong sa PNP-Aviation na siyang nakipagko­ordinas­yon para madakip ang da­lawa.

Nabatid na ang mga apli­kante na natangayan ng may P25,000 hanggang P32,000 ay pawang ini-refer ng isa pang suspek na si Conchita Paculba na nasa kustodiya na ng NBI matapos mada­kip sa entrapment opera­tion.

Habang pinaghahanap ang dalawa pa nilang kasab­wat na sina Virginia Adling at Mel Madera.

Sa beripikasyon, nala­man na si Tarrish ay may stan­ding warrant of arrests sa Branch 28 ng Biñan, La­guna RTC sa kasong estafa na isisilbi laban sa kanya.